جمعيات خيرية

مصر التى فى خاطرى

وعمار يا مصر
جاء في دراسة أجراها البروفيسور "ايليز جاف" في الجامعة العبرية في الكيان اليهودي (( أن عدد الجمعيات الخيرية في "إسرائيل" بلغ  27 ألف ( سبعة وعشرون ألف ) جمعية ، وجميعها معفاة من الضرائب ، وتزيد سنويا بمعدل ألف جمعية ))
مش عارف بس كان لازم ابتدى الكلام بالجملة دى والمنقولة عن مقال كبير اوى قولت مطولش عليكوا فيه 
تخيل معى اخى العزيز واختى الفاضلة لما يبقى العدد دة فى اسرائيل بس امال بقى عدد الجمعيات الخيرية فى مصر  !!!!!!؟
نقول مليون جمعية ولا اتنين مليون لا اقولك احسن عدد الجمعيات الخيرية ( فعالة او مش فعالة يبلغ 3000 جمعية ( ثلاثة الاف جمعية ) 

طيب حد يسالنى انا عاوز ايه من دة كله باشحت يعنى ولا بدلل ولا بسوق لجمعية ؟؟
اقولك انا لا انا عاوزك انت وعاوز افكارك - تخيل معايا ان لو كل واحد قال فكرة واحنا 80 مليون زى مبيقولى ( على فكرة احنا اكتر من 100 مليون بس همه مخبيين ) بس ما علينا هافترض ان بس 1000 فكرة بس ممكن تحقيقها يبقى مش من حقى انى احاول معاك انى اعمل حاجه 

تخيل معايا يا مسلم انك هتخش الجنه لما تمشى فى الخير او تعمل خير او حتى تفكر فى عمل خير - نقول كمان قول رسول الله صلى الله عليه وسلم " انا وكافل اليتيم هاتين فى الجنة - واشار باصبعيه السبابة والوسطى" صدق الرسول الكريم 
يعنى ايه انا لو مسيحى معمل خير وربنا مش هيدخلنى الجنة ارد عليك اقول انت عارف ان اول جمعية فى مصر قامت على اكتاف الشيخ محمد عبدة مع باقة من الاقباط - طب كدة بقى الكلام يحلو يعنى الدعوة مفتوحة بس بردة هتقولى انت هتستفاد ايه - اقولك انى عاوز الثواب ..

طب نجيب من الاخر علشان صوابعى وجعتنى ههههههههههه,,
انا مثلا بروح جمعية ما هاقولكوا عليها بعدين بعد ماسمع التعليقات علشان اعرف اكمل ولا لا - طيب بعمل ايه هناك ؟
باشوف اقدر اخدمهم بايه يعنى عندهم شنط تموينية اوزعها معاهم هيعملوا نشاط ما اروح اساعدهم واسمى متطوع يعنى مليش مواعيد ثابتة واعمل اللى انا عاوزه وقت مانا عاوز 

عاوز كل واحد يروح اقرب جمعية ليه ويشوف الناس دى بتعمل ايه ويقدر هو يساعدهم بايه عاوزك تاخد من وقتك حاجة صغيرة وتروح اى دار ايتام تجيب معاك اى لعب - بجنية اللعبة وتروح تلعب معاهم حسسهم انهم مش لوحدهم كفاية اللى همه حاسيين بيه من وحدة تعالوا نقولهم احنا معاكوا وانتوا ولادنا واحنا حاسيين بيكوا الموضوع دة مش هيكلفك حاجة بس هيخليك تحس بسعادة كبيرة صدقنى انا جربت وعارف .

اشوفكوا فى استكمال الموضوع ان شاء الله بس مستنى الردود سواء بالايجاب او السلب او الافكار 






                       الصفحة السابقة              الصفحة التالية











  

هناك 19 تعليقًا:

  1. كلام جميل

    ردحذف
  2. بس انا معرفش اماكن اروحها ومش بعرف انزل كتير علشان ظروف الشغل - فى طريقك تانية

    ردحذف
  3. معلش انا عارف ان كل واحد ظروفه مش زى التانى بس ارجع بقى للنقطة الاساسية - اذا كان مش عندى وقت اعمل ايه ؟؟
    روح اقرب جمعية خيرية اعرف ايه اللى بيحصل قبل متدفع اى حاجة علشان يبقى قلبك مستريح لانى فى جمعيات خيرية مش بتعمل اى نشاط ومعلش اصحاب النفوس الضعيفة كتير بياخدوا الفلوس ويحطوها فى جيبكوا - علشان كدة انا بانصح اى حد يشوف قبل ميدفع علشان يعرف الناس بتعمل ايه بفلوسه ويا ترى بتروح فعلا للناس اللى بتستحقها ولا لا .
    طبعا اكيد كلنا عارفين جمعيات خيرية كتير وعلى راسهم رسالة - الاورمان - صناع الحياه وغيرهم كتير بس انا عن نفسى متطوع فى جمعية مختلفة شوية لانها مش بس جمعية خيرية لا وكمان فيها تنمية بشرية يعنى داخل كسبان كسبان عمل تطوعى وتعليم مجانى !!!!
    لو عاوزين تعرفوا معلومات اكتر عن الجمعية اللى انا فيها هاجيبهالكوا المرة اللى جاية ونتعرف عليها مع بعض
    مستنى ردودكوا سلام

    ردحذف
  4. طب انا اعرف منين ان الحجات دى بتروح فعلا للناس اللى تستحقها

    ردحذف
  5. علشان كدة انا بقول يا ريت قبل متتبرع بجنية واحد لاى حد حتى لو كان شيخ وانت عارف انه مستحيل ياخد فلوسك يا ريب تعرف منه هو هيعمل ايه بالفلوس وتروح معاه تعمل الحاجه بنفسك علشان تبقى متاكد قدام نفسك وقدام ربنا سبحانه وتعالى ان انت بتوصل الحاجة للناس اللى تستحقها

    ردحذف
  6. http://m2lomatthemak.blogspot.com/
    متنسوش تبصوا على الصفحة الرئيسية

    ردحذف
  7. طيب الكلام دة ممكن نلاقيه فين - طبعا مش محتاجين نقول ان فى جمعيات خيرية سمعتها معروفة جدا للجميع بس انا بحاول انهاردة اعرفكوا جمعية جديدة لسة جديدة ولكن تتميز عن غيرها من الجمعيات فى ايه بقى :
    فى انها مش جمعية خيرية بس ولكن كمان بتقدم كورسات فى اللغة والكومبيوتر وكمان التنمية البشرية.
    يعنى نقدر ناخد كورسات ومجانى وكمان نعمل خير ونساهم فى بناء بلد افضل يتسع للجميع
    لو عاوز تعرف عن المؤسسة اكتر خش عل الموقع دة:
    http://www.khatwat.org/

    وعلشان نعرف معلومات اكتر فى ناس عمله مدونات عن نفس المؤسسة ودة رابط المدونة :
    http://khtawat.blogspot.com/

    وقريبا ان شاء الله اجيبلكوا رابط المدونة بتاع الكورسات علشان الى عاوز يفيد نفسه بردة تبقى افادة للمجتمع .

    اشوفكوا قريب ان شاء الله ولا تنسونا بالرد

    ردحذف
  8. برجاء العلم والاحاطة :
    اية اعلانات تدعو لاية ديانة فانا لست مسئول عنها ونحن فى محاولة الوصول لحذفها فهذا الموقع يدعو للعمل الخيرى

    ردحذف
  9. ايه يا جماعة محدش عاوز يعمل خير ولا اكيد انتوا بتعملوا فى اماكن كتير بره

    ردحذف
  10. جزاك الله خيرا على هذا الكلام وان شاء الله نقدر نتواصل فى القريب العاجل

    ردحذف
  11. نحن واياكم بس يا ريت لو مفيهاش تعب تبقى تسجل عشان اعرف انا بكلم مين - شكرا ومستنى اى اقتراحات لو عندكوا

    ردحذف
  12. على فكرة الجمعية اللى كلمتكوا عليها اللى اسمها خطوات الخيرية للتنمية البشرية هتوزع ان شاء الله الشنط التموينية فى كوتسيكا يوم الجمعة اللى جاى وان شاء الله هتفتتح الدار يوم الجمعة3 / 6 علشان اللى يحب يحضر ويشوف بعينة اهل الخير بيعملوا ايه

    ردحذف
  13. طب ممكن نيجى ولا دة للاعضاء بس

    ردحذف
  14. طبعا يا جماعة ممكن اى حد يجى ويشرفنا كمان وفرصة علشان تشوفوا احنا بنوزع لمين وتقولوا رايكوا
    مستنيكوا يوم الجمعة على محطة كوتسيكا الساعة 2 بعد الصلاة واللى عاوز ياكد على حضورة يتصل على 0127275892 - اسمى رؤوف
    وشكرا على المساعدة

    ردحذف
  15. انا عاوز اضيف حاجه انهاردة -
    ممكن تلاقى بعد كل اللى بتعمله علشان الخير وتساعد بيه الناس ان الناس بتنتقدك ودة وارد وبيحصل بس انا عاوز اقولك متخليش الحاجات دى توقفك الناس اللى انتقدتك بتغير منك علشان مش عارفه تعمل زيك علشان كدة بتحاول تعمل اى حاجه توقف بيها تقدمك واعرف كويس اوى ان انت بتعمل حاجه علشان خاطر ربنا مش علشان خاطر اى حد والوصول الى الجنة مش سهل اوى .

    ردحذف
  16. الحمد لله انهاردة بمساعدة المتطوعين قدرنا نوزع 100 شنطة تموينية فى مستشفى المنيرة تحت اشراف ومساعدة مؤسسة خطوات الراعى الرسمى للحمله

    ردحذف
  17. هو رجل عاش حياته ملتزما محترما كأى مصرى من الطبقة المتوسطة تى تعلى من قدر الخلق الكريم والتمسك بالقيم ...هو ذا مكانة علمية نالال محبة الناس وأحترامهم لم يتوانى عن مؤازرة كل من حوله .
    هو أب لأبناء متفوقون ملتزمون أحداهن تتبوء ترتيبا علميا على زملائها ويرجو الله أن توفق لتكون معيدة وأخواتها بكليات أدبية وأيضا موفقون بفضل الله تعالى....وحتى بستطيع أن يواجه نفقات المعيشة ومصروفات أبناءه فى التعليم وحتى لا يكون سببا فى عدم إكمال تعليمهم
    .. منذ سنوات قليلة وبسبب سعيه لتدبير مورد إضافى بحانب مرتبه أبتلى بالديون وتبعاتها وللأسف صدرت ضده أحكام بالسجن وأصبح البيت الآمن المستقر يهاجم من قبل المباحث اللذين روعوا أبناءه وأصبح مزارا للمباحث ليل نهار بتوصية من الدائن الذى بالغ فى قيمة الدين ويملك السطوة
    وأصبح مطاردا فمستقبل أبناءه بل الأسرة وأستقرارها معرض للضياع ومهدد بفقد وظيفته وسمعته وأستعان بالله عز وجل وفعل كل ما يستطيع ولجأ أيضا للأقتراض من البنك بضمان راتبه ولسداد أقساط القرض يحصل البنك على معظم مرتبه وبفضل من الله سدد معظم الديون وجدول الباقى وأيضا صدر حكم نهائى بالطرد من الشقة لتراكم الإيجار
    والأن هو مهدد بالطرد وأيضا بالسجن لعدم قدرته على الوفاء بباقى الديون المجدولة والأخطر هو مستقبل أبناءه فهو لا يستطيع مواجهة نفقات سفرهم ومصروفات الكليات بلإضافة الى أحتياجات أسرته المعيشية الأساسية . يعيش محنة غاية فى الصعوبة بل كرب وضيق ...هو يستعين بالله عز وجل ويقول كما أمره الله إنا لله وإنا إليه راجعون
    ويمكن التأكد بالإنصال 01273093469 ...( هذه الرسالة وصلتنى من صديق وحملت أمانة تبليغها أرجو أن نكون أخوة نتكاتف من أجل أن نكون سببا فى تفريج كربة من كرب الدنيا وفقنا الله الى ما يحب ويرضى

    ردحذف
  18. الله يجزيكم كل الخير انا ارملة وعندي 6 اطفال أكبر واحد عمره 9سنوات وأصغر واحد عمره 10 شهور ولم اتلقى أي مساعدة فهل أجد سبيل للمساعدة علما لدي من الاوراق ما يثبت صحة كلامي

    ردحذف
  19. السلام عليكم ورحمة الله يا اختاه
    كان الله فى عونك برجاء ارسال رقم التليفون والعنوان على البريد التالى
    raouffouad2@gmail.com

    وعلى الله قصد السبيل

    ردحذف

نحن نرحب بآرائك وافكارك مهما كان سنك - من فضلك ضع تعلقيك هنا

Loading...

فيديوهات تهمك

Loading...

إجمالي مرات مشاهدة الصفحة

المشاركات الشائعة

Follow by Email

معنا لغد مشرق ومستقبل افضل

بفكرك - بمساعدتك - بمجهودك , اكيد هنعمل حاجة